చిలకలూరిపేట నియోజకవర్గ పరిధిలోని ఎడ్లపాడు మండల విద్యాశాఖ కార్యాలయాన్ని జిల్లా విద్యాశాఖ అధికారి కె.వెంకటేశ్వర్లు శనివారం ఆకస్మిక తనిఖీ చేశారు. అనంతరం ఎడ్లపాడు ఓల్డ్ ఎంపీపీ యూపీ పాఠశాలను తనిఖీ చేశారు. స్కూల్ నందు ఎం ఆర్ సి రికార్డులను మరియు స్టాఫ్ పనితీరును పరిశీలించి సంతృప్తి వ్యక్తం చేశారు.అనంతరం ఎం.ఆర్.సి నందు ఏర్పాటు చేసిన ప్రధానోపాధ్యాయుల సమీక్షా సమావేశంలో పాల్గొన్నారు. మొదటగా కవి సామ్రాట్ గుర్రం జాషువా జయంతిని పూరష్కరించుకొని జాషువా చిత్ర పటానికి పూలమాలలు వేసి నివాళి అర్పించారు. అనంతరం ప్రధానోపాధ్యాయులను ఉద్దేశించి మాట్లాడారు,పిల్లల విద్యాప్రమాణాలు,యు.డి.ఐ ఎస్.ఈ,మధ్యాహ్న భోజనం తదితర అంశాలగురించి ప్రధానోపాధ్యాయుల కి పలు సూచనలు సలహాలు ఇచ్చారు. అనంతరం మండలంలో కొందరి ఉపాధ్యాయుల పనితీరును అభినందిస్తూ సన్మానించారు. ఈ కార్యక్రమం లో ఎం ఈ ఓ1 ఎం.వి నాగరత్నం, ఎం ఈ ఓ2 ఎన్.అరుణ కుమారి, మరియు మండలంలోని ప్రాథమిక పాఠశాలల ప్రధానోపాధ్యాయులు మరియు ఎం ఆర్ సి సిబ్బంది పాల్గొన్నారు.