జిల్లా ఉత్తమ ఉపాధ్యాయురాలికి ఘన సన్మానం….
ప్రకాశం జిల్లా కంభం: ఇటీవల జిల్లా ఉత్తమ ఉపాధ్యాయిని అవార్డు అందుకున్న సిఆర్ రావిపాడు ఉర్దూ ఉపాధ్యాయురాలు సయ్యద్ యాస్మిన్ భానును మంగళవారం ఎంఈఓలు బి.మాల్యాద్రి, కె.శర్వాణి,కాంప్లెక్స్ చైర్మన్ బి.వి.రామకృష్ణ ,ఉర్దూ డి.ఐ మొయినుద్దీన్, సిఆర్పీలు మరియు మండల విద్యా కార్యాలయ సిబ్బంది ఘనంగా సన్మానించారు. ఈ సందర్భంగా అధికారులు మాట్లాడుతూ ఉర్దూ ఉపాధ్యాయిని యాస్మిన్ భాను తాను పనిచేసిన ప్రతి పాఠశాలకు ప్రత్యేక గుర్తింపును తీసుకురావడంలో ఆమె శైలి ప్రత్యేకమని, ఆమె కృషి ప్రశంసనీయమని కొనియాడారు. పాఠశాల సమగ్ర అభివృద్ధికై ఆమె చేసిన సేవలను గుర్తుచేస్తూ శాలువా పూలమాలలతో ఘనంగా సన్మానించారు. అనంతరం అధికారులు మల్యాద్రి ,శర్వాణి, రామకృష్ణ, మొయినుద్దీన్ లను సదరు పాఠశాల ప్రధానోపాధ్యాయురాలు విజయనిర్మల మరియు ఉపాధ్యాయ బృందం ఘనంగా సన్మానించారు.ఈ సందర్భంగా ఉత్తమ ఉపాధ్యాయిని సయ్యద్ యాస్మిన్ భాను మాట్లాడుతూ గురుతర బాధ్యతలను గుర్తుచేస్తూ ఉపాధ్యాయ వృత్తికి మార్గదర్శకులైన అత్యుత్తమ అధికారులు ఉర్దూ డి.ఐ మొయినుద్దీన్, ఎంఈవోలు మల్యాద్రి,శర్వాణి మరియు కాంప్లెక్స్ చైర్మన్ బి.వి.రామకృష్ణ సలహాలు,సూచనలు మరియు సూక్తులు తనను ఉత్తమ ఉపాధ్యాయురాలిగా నిలిపాయంటూ తన నిరాడంబరతను చాటుకున్నారు. ఈ కార్యక్రమంలో పాఠశాల యాజమాన్య కమిటీ చైర్మన్ నాగేశ్వరరెడ్డి,సభ్యులు, సిఆర్పిలు,ఎంఈఓ కార్యాలయ సిబ్బంది తదితరులు పాల్గొన్నారు.